السلام عليكم ورحمة الله وبركاته
هوه ليه احنا عاملين مولد كبير حوالين الموضوع بتاع الخلية الي اتمسكت في مصر دي .. بتاع حزب الله
ناس والسلطات- بفتح السين - حست انهم خطر على مصر فقالوا نمسكهم … اصل انتو متعرفوش الخطر بتاع الدول دي .. دول اخطر من اسرائيل
دولة زي قطر ، لبنان متمثلة في حسن نصر الله ، سوريا…. الدول دي بقت الخطر الحقيقي الي بيهدد مصر !!!! ”حدش قال ايه الهبل الي انت بتقولوا دا يا استاذ ولا حاجة “
على العموم السلطات قبضوا عليهم الحمد لله .. حيث قام بابا غنوج باتخاذ الاجراءات وتحضير الاقوال بتاع العيال الصيع دي … في حين قام السيد سلطة الخضرا بمطارده المشتبه فيهم في سيناء ..
سيناء التي شاهدت حروبنا ضدد الاستعمار … ها هي تشاهد دفاع اولاد البلد الجدعان “الحاج حسني ورفاقه” عن الامن القومي المصري .. سيناء دي الي احنا خدناها من المستعمرين واديناها لاولادنا !!! علاء مبارك و اصحابوا من زوي النفوذ يستنفعوا بيها … وربنا يديمها عليهم نعمة وبلاش احنا
المهم باه .. الحمد لله قبضت السلطات على المتهمين ودلوقتي هنوجه كل التهم الي كتبناها في الورقة مسبقا ليهم …. الورقة دي على فكرة احنا الي كتبناها .. بس كان حد بيمليهالنا في التليفون
يا جماعة بجد والله احنا بقينا في مهزلة … حزب الله بيساعد فلسطين .. بدل ما ندعمة ونساعدو نروح نكسر الايد الي ممدوده للفلسطينين
طب ليه … بلاش ليه …. طب لصالح مين …. بلاش برده لصالح مين … طب احنا هنستفيد ايييييييييييييييييييييه
وبعدين انت غبي وهتروح تمسك الناس دي علشان متساعدش الفلسطينين …. طب خلاص باه امسكهم ومشيهم
مش تروح تستغبى العالم كلوا وتقول دول جواسيس وعمليات هتتعمل في مصر والكلام دا يا عم داري على خيبتك ومشيهم وخلاص
اما حسن نصر الله فبقولوا معلش يا باشا
تم إدخال هذه البيانات في في 0, أبريل 15th, 2009 في 7:01 ص وهي متضمنة تحت افكاري وهمومي. يمكنك متابعة الردود على هذه التدوينة من خلال الخلاصات 2.0
You can leave a response, or trackback from your own site.
2009/04/23 عند 2:09 م |
ربنا يقويك عليها كمان وكمان يا رب
2009/04/27 عند 8:02 ص |
ابراهيم اضحكتني كلامك جميل وانا احب مصر و لي الكثير من الاصدقاء في مصر ولكن الان عندما تذكر امامي مصر اتخيل صورة مبارك وهو يشارك قتل الفلسطنين ويدعم الاسرائليين أعان الله اهل مصر الاحباء وخلصهم